Ish-ministri i Arsimit, Arsim Bajrami, ka reaguar pas përmendjes së tij nga Kryeministri Albin Kurti lidhur me debatet për doracakët për mësimdhënës mbi edukimin seksual dhe shëndetin riprodhues.
Në deklaratën e tij, Bajrami ka sqaruar se kërkesa për ndihmë nga Fondi i Kombeve të Bashkuara për Popullsinë (UNFPA) për hartimin e këtyre doracakëve ishte bërë në vitin 2016, kur ai udhëhiqte Ministrinë e Arsimit, Shkencës dhe Teknologjisë (MASHT).

Ai ka falënderuar UNFPA-në për gatishmërinë për të ofruar mbështetje, por ka theksuar se hartimi dhe miratimi i përmbajtjes së doracakëve nuk ka ndodhur gjatë kohës që ai ishte ministër.

Bajrami ka pranuar se gabime mund të kenë ndodhur në tekstet shkollore, planprograme dhe doracakë edhe gjatë periudhës së tij si ministër, dhe ka theksuar se kjo ndodh shpesh. Ai ka ftuar institucionet shtetërore që të jenë të hapura dhe të gatshme për të reflektuar dhe përmirësuar në mënyrë të vazhdueshme