Duket se interesimi i amerikanëve për të votuar në zgjedhjet presidenciale është tepër i madh. Kjo shihet edhe nga një fotografi e publikuar nga një aktiviste, ku njerëzit shihen duke pritur në radhë në orën 5 e 45 minuta në mëngjes.
“5:45 në qendrën time të votimit” është mbishkrimi të cilin ia ka bashkëngjitur aktivistja Stacy Sullivan fotografisë që e publikoi në Twitter, ku në gjysmerrësirë shihen njerëz duke pritur në radhë e duke mbajtur distancë mes vete.
Se do të ketë interesim të madh për të votuar në këto zgjedhje e ka treguar edhe shifra rekorde e qytetarëve që kanë votuar para kohës – mbi 90 milionë.
Analistët presin që numri i votave në këto zgjedhje të jetë më i madhi në disa dekada. Disa madje kanë thënë se përqindja e qytetarëve në zgjedhje mund të jetë më e larta që nga viti 1908.
https://twitter.com/Ssullivan101/status/1323583787540897794?ref_src=twsrc%5Etfw%7Ctwcamp%5Etweetembed%7Ctwterm%5E1323583787540897794%7Ctwgr%5Eshare_3&ref_url=https%3A%2F%2Fwww.gazetaexpress.com%2Finteresim-i-madh-per-te-votuar-ne-shba-pritje-ne-radhe-para-ores-gjashte%2F
