Shefi i Ushtrisë së Zvicrës, Komandanti i Korpusit Thomas Süssli, që nga sot është në izolim. Ai rezultoi pozitiv në testin e bërë për koronavirusin.
Për shkak të kontaktit me një person që kishte dalë pozitiv për koronavirus, shefi i ushtrisë, komandanti i korpusit Thomas Süssli, sot i është nënshtruar një testi. Rezultati ishte pozitiv.
Shefi i ushtrisë aktualisht nuk ka simptoma dhe vazhdon të kryejë aktivitetet e veta nga shtëpia.
Zëvendësi i tij, Komandanti i Korpusit Aldo Schellenberg, është gati të marrë përsipër çdo detyrë.
