×
  • Lajme
  • Lajme

    Incidentet në Veri, a duhet të mbahen zgjedhjet?

    FrontOnline
    07 Dhjetor 2022

    Incidentet me bomba ndodhën të martën. Megjithatë, ato nuk duhet të jenë shkas për shtyrjen e zgjedhjeve në veri.

    Ish-kreu i KQZ-së, Mazllum Baraliu thotë se nuk ka bazë ligjore që ato të mbahen në një datë tjetër, e jo siç tashmë është përcaktuar, më 18 dhjetor.

    “Nuk ka bazë ligjore me u anulu zgjedhjet. Politikisht mundet, ajo që po kërkohet, është politikisht, por pa asnjë bazë. Zgjedhjet në kushte normale nuk ka pse të anulohen dhe nuk anulohen sepse Kushtetuta i obligon me i mbajt pasi i ka shpall Presidentja”, theksoi Baraliu për “Front Online”.

    Ishin Shtetet e Bashkuara ato që vlerësuan se, aktualisht, nuk ka kushte për mbajtjen e zgjedhjeve në veri të Kosovës.

    I këtij mendimi është edhe Fatmir Sheholli, drejtues i Institutit për Afirmimin e Marrëdhënieve Ndëretnike.

    “S`ka kushte për zgjedhje atje. Pavarësisht se ligji i obligon zgjedhjet. Megjithatë më mirë të pres ligji sesa të ketë ndonjë humbje jete”.

    Ky tha se situata në veri aktualisht është jo e qetë, një ditë pasi grupe të qytetarëve serbë në veri penguan hapjen e zyrave të Komisionit Qendror të Zgjedhjeve, duke shkaktuar edhe incidente me armë zjarri dhe granata.

    “Situatë është e acaruar. Amerika t`ia bëjë me dije Kurtit që me i shty zgjedhjet”, vlerësoi Sheholli për “Front Online”.

    Të kundërtën e thonë nga Partitë që veçse ia kanë mësyrë garës.

    “Partitë politike janë për zgjedhje. Ne Iniciativa Qytetare, na ka ra shorti me numër 1, kandidat për kryetar e kemi Betim Osmanin. Besoj që do të jemi të parët”, theksoi Skender Sadiku nga Iniciativa qytetare.

    Zgjedhjet në katër komunat në veri të banuara me shumicë serbe – Mitrovicë e Veriut, Zubin Potok, Leposaviq e Zveçan – u shpallën pasi kryetarët e tyre dhanë dorëheqje në fillim të nëntorit, në shenjë kundërshtimi ndaj planit të Qeverisë së Kosovës për t’i riregjistruar makinat me targa ilegale serbe në veri./Front Online/

    1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj
    Nga Rubrika
    Lajme19 Mars 2024
    Të gjitha problemet, të cilat mund t’i kenë qytetarët serbë, ne do t’i adresojmë me shpejtësi, thotë kryeministri i Kosovës, Albin Kurti,...
    Lajme19 Mars 2024
    Në Dhomat e Specializuara të Kosovës (DHSK) në Hagë ka filluar dëshminë dëshmitari i 51-të i Zyrës së Prokurorit të Specializuar, me...
    Lajme19 Mars 2024
    Kryetarja e Gjykatës Kushtetuse, Gresa Caka Nimani, tha se barazia në Kosovë do të festohet pas një shekulli. Ajo kështu u shpreh...
    Të tjera
    Lajme19 Mars 2024
    Presidentja e vendit, Vjosa Osmani, ditën e djeshme qëndroi në Lipjan, ku bashkë me të parin e kësaj komune, Imri Ahmeti, zhvilluan...
    Lajme19 Mars 2024
    Komisioni për Arsim, Shkencë, Teknologji, Inovacion, Kulturё, Rini dhe Sport, ka formuar Grupet Punuese për shqyrtimin e Projektligjeve. Por i vetmi grup...
    Bota/Rajoni19 Mars 2024
    Ditën e sotme, kryeministri Edi Rama, ka shënuar një tjetër skandal, pasi shtyu gazetaren e SYRI TV, Ambrozia Meta, e cila po...
    Lajme19 Mars 2024
    Nënkryetari i komunës së Skenderajt, Sami Lushtaku, ka reaguar për vdekjen e Xhavit Ferizit, ish truprojë e ish presidentit Thaçi dhe ish...
    Bota/Rajoni19 Mars 2024
    Bashkimi Europian po përgatitet të vendosë tarifa për importet e grurit nga Rusia dhe Bjellorusia për të “qetësuar” fermerët dhe vendet anëtare,...
    Vip19 Mars 2024
    Ilnisa Agolli ka marrë vëmendje së fundmi me një deklaratë të bërë kundrejt Romeo Veshajt. Gazetarja e njohur ka qenë në një...

    FrontOnline, © 2024 Të gjitha të drejtat e rezervuara.