Është arrestuar një person në Gjilan si i dyshuar për djegien e një automjeti me 20 shkurt, në rrugën “Hysen Zhuli” në Gjilan.
Në raportin e policisë thuhet se i dyshuari është dërguar në qendrën e mbajtjes me urdhër të prokurorit të rastit.
Viktima kishte raportuar në polici se në rrethana të panjohura i është djegur në tërësi automjeti-kamionetë, me targa vendore, e cila ishte e parkuar në rrugë, afër shtëpisë.
Njësitet policore dhe zjarrfikësit kishin dalë në vendin e ngjarjes dhe kishin lokalizuar e fikur zjarrin.
