Presidenti i Komitetit Olimpik të Kosovës, Ismet Krasniqi, ka takuar sot presidentin e Kroacisë, Zoran Milanoviq.
Të dy palët u takuan në Poreç të Kroacisë, ku u zhvilluan finalet e Kampionatit Evropian të karatesë, që po mbahet në Poreç të Kroacisë, shkruan FrontOnline.
Krasniqi, i shoqëruar edhe nga këshilltari i tij, Besim Aliti, shfrytëzuan rastin për ta njoftuar presidentin Milanoviq me të arriturat e shtetit tonë në fushën e sportit, për çka i pari i shtetit kroat mbeti i impresionuar, duke i uruar vendit tonë suksese edhe në Lojërat Olimpike “Tokio 2020”.
Gjatë bashkëbisedimit, presidenti Milanoviq shfaqi kënaqësinë e takimit të para disa ditëve me presidenten e Republikës së Kosovës, Vjosa Osmani.
Pikërisht në Poreç, Kosova sot fitoi medaljen e bronztë evropiane me karateistin, Herolind Nishevci.
Krasniqi ndjeku nga afër paraqitjen e karateistëve tanë në Evropian, derisa gjatë këtyre ditëve u takua edhe me presidentin e Komitetit Olimpik të Kroacisë, Zlatko Matesha, kryetarin e Federatës Botërore dhe Evropiane të Karatesë, Antonio Espinos./FrontOnline/
