Hyundai është një nga disa ndërmarrjet që prodhojnë makina në qelizat e karburantit të hidrogjenit si një karburant alternativ dhe SUV i saj Nexo ka vendosur një rekord botëror. Nexo aktualisht është e vetmja veturë e qelizave të karburantit hidrogjen në ofertën e Hyundai, por që së shpejti do të ndryshojë pasi nën-marka HTWO pritet të nisë duke përdorur pikërisht atë teknologji.

Për të provuar gamën e saj mbresëlënëse, Hyundai Nexo nisi një udhëtim të gjatë dhe vendosi një rekord të ri botëror për distancën më të gjatë të kaluar me një rezervuar të vetëm hidrogjeni. Pas timonit ishte shoferi australian i garave Brendan Reeves, Nexo u nis nga Essendon Fields në Melburn dhe kaloi nëpër Broken Hill dhe Silverton, vendi i famshëm ku u filmua filmi “Mad Max 2: The Road Warrior”. Nexo kaloi 887.5 kilometra me një rezervuar, duke tejkaluar paraardhësin e tij, i cili arriti të përshkonte 721 kilometra. Udhëtimi zgjati 13 orë e 6 minuta me një shpejtësi mesatare prej 66,8 km/h dhe Nexo konsumoi 6,26 kg hidrogjen dhe pastroi 449,100 litra ajër të mjaftueshëm për frymëmarrjen ditore të 33 personave./FrontOnline/