Gjenerata e ardhshme e modeleve sportive N të Hyundai do të jetë elektrike dhe revolucioni do të fillojë me Ioniq 5 N.

Në këto foto Ioniq 5 N sportiv është ende me folie kamuflazhi, ndërsa prezantimi zyrtar do të mbahet pas disa muajsh.

Ioniq 5 N do të ketë një paketë më agresive të trupit aero, pezullimin e modifikuar, modalitetin N Durance (për qëndrueshmëri më të madhe në pistë), modalitetin Drift, shpërndarjen N e rrotullimit (rregullim nga 90:10 në 10:90 përqind), 21 inç rrota, sistem frenimi më të fortë (disqe 400 mm), si dhe një brendshme e modifikuar me një ekran 12,25 inç.

Hyundai ende nuk i ka konfirmuar specifikat e sakta të motorit, por duhet të jetë një kombinim i dy motorëve elektrikë dhe me katër rrota. Priten më shumë se 585 kuaj fuqi, ashtu si motra Kia EV6 GT, e cila nga 0 në 100 km/h e arrin për 3.5 sekonda.

Premiera botërore është planifikuar për në korrik të këtij viti, dhe kopjet e para duhet të jenë në dispozicion në treg në tremujorin e tretë ose të katërt të 2023./FrontOnline/