Si pjesë e markës së saj Premium Genesis, Hyundai ka zbuluar konceptin e një makine luksoze, futuriste GT që përdor energjinë elektrike në motor. Në vetëm gjashtë vjet ekzistencë si një markë e veçantë, brendi Premium Hyundai Corporation, Genesis ka bërë një rrugë vërtet të gjatë dhe përveç modeleve të prodhimit luksoz, konceptet që kjo markë paraqet çdo vit janë shumë interesante.

I fundit në seri dhe i pesti me radhë, është Genesis X, i cili përfaqëson një vizion të makinës luksoze Gran Tourer të së ardhmes, e cila në përputhje me trendët modern, tashmë është mundësuar nga energjia elektrike. Në fakt, vetë koncepti nuk është aq shumë një paralajmërim i një makine serike, sesa një “ushtrim demonstrimi”, si për sa i përket dizajnit, ashtu edhe kur bëhet fjalë për teknologjitë e aplikuara. Vëmendje e madhe i kushtohet gjithashtu aerodinamikës dhe optimizimit të rrjedhës së ajrit.

Brendësia, megjithëse luksoze, është ende në stilin “shofer”, që do të thotë se është jashtëzakonisht e orientuar drejt shoferit, i cili, falë dizajnit të konzollës qendrore, ndihet pothuajse “i futur” në vendin e tij. Pjesa tjetër e panelit të instrumenteve, çuditërisht, nuk është “e mbushur” me shfaqje multimediale, por duket pak “spartane” në një automjet futuristik.

Për fat të keq, Hyundai, ose Genesis, nuk njoftoi asgjë në lidhje me të dhënat teknike, përveç faktit që makina është projektuar si një sport GT, i mundësuar nga energjia elektrike. Nëse koncepti i përmendur nënkupton vetëm një motor elektrik në pjesën e pasme apo të tjerë motorë, që do të lëvizte rrotat e përparme, mbetet e panjohur./FrontOnline/