Dy avionë të Lufthansa-s dhe Easyjet mbërritën sot në pistat e aeroportit të ri ndërkombëtar të Berlinit duke shënuar hyrjen e tij zyrtare në funksion me nëntë vite vonesë në mes të pandemisë.

Avioni i Easyjet, që vinte nga aeroporti berlinez fqinj i Tegel-it, më pas ai i Lufthansa-s që vinte nga Munihu u shfaqën në postën e aeroportit Willy-Brandt, projekt i madh që rezulton nga ribashkimi, shënuar nga një seri prishjesh, defektesh dhe dyshimeve për korrupsion.

“Kjo është një ditë historike”, konfirmoi kreu i kompanisë ajrore gjermane Carsten Spohr në Munich, para se të fluturonte për në Berlin.

“Akoma nuk arrij ta besoj”, shtoi ai me kënaqësi.

Një konferencë shtypi u mbajt, por asnjë festë e madhe nuk ishte parashikuar për shkak të situatës shëndetësore.