Kryeministri i Kosovës, Avdullah Hoti sot në orën 17:00 do të mbajë konferencë për media.

Zyra e kryeministrit përmes një njoftimi për media ka bërë të ditur se temë e konferencës do të jetë menaxhimi i situatës me pandeminë Covid-19.

E, dje gjatë ditës ministri i Shëndetësisë Armend Zemaj ka deklaruar se do të mblidhet Komiteti për Pandeminë ku edhe do të vendoset se si do të veporhet më tutje.

Mirëpo, nuk dihet se a do të bëhen të ditura në këtë konferencë masat e reja apo jo.

Hoti më herët kishte paralajmëruar se do të merren vendime të reja nëse masat të cilat janë momentalisht nuk do të tregojnë rezultat.

Njoftimi i plotë:

1.Kryeministri Avdullah Hoti mban konferencë për media.

Tema: Menaxhimi i situatës me pandeminë Covid-19.

VENDI: Ndërtesa e Qeverisë

KOHA: 17:00