Kryeministri i Kosovës, Avdullah Hoti ka biseduar përmes telefonit me ushtruesën e detyrës së presidentes Vjosa Osmani, duke e njoftuar se së shpejti do të përmbyllet analiza e rishikimit funksional të rrejtit të misiononeve diplomatike të Kosovës.

Përmes, një postimi në profilin e tij në Facebook, Hoti ka shkruar se mbi bazën e kësaj analize, do të ndërmerren të gjitha veprimet e nevojshme: (1) për të siguruar funksionim efikas të misioneve diplomatike të Republikës së Kosovës; dhe (2) përbërja e misioneve diplomatike të jetë në përputhje me ligjin.

Në këtë bisedë telefonike Hoti i ka ururar shërim të shpejtë Osmanit, pasi e njëjta ditë më parë ëshët infektuar me Covid-19.

Postimi i plotë:

Sot, në një bisedë telefonike, i kam uruar shërim të shpejtë Kryetares së Kuvendit dhe ushtrues së detyrës së Presidentes, znj. Vjosa Osmani.

E njoftova znj. Osmani se Qeveria e Republikës së Kosovës do të përmbyllë së shpejti analizën e rishikimit funksional të rrjetit të misioneve diplomatike të Kosovës. Mbi bazën e kësaj analize, do të ndërmerren të gjitha veprimet e nevojshme: (1) për të siguruar funksionim efikas të misioneve diplomatike të Republikës së Kosovës; dhe (2) përbërja e misioneve diplomatike të jetë në përputhje me ligjin./FrontOnline/