Honda ka konfirmuar zyrtarisht se do të zgjerojë gamën e saj evropiane me një model krejtësisht të ri SUV të quajtur ZR-V.

Sipas njoftimeve aktuale, ZR-V do të mbërrijë në tregun evropian në vitin 2023 dhe do të zërë një vend midis modeleve HR-V dhe CR-V në gamën e markës japoneze. Edhe pse Honda për momentin nuk dëshiron të zbulojë shumë detaje rreth këtij modeli, lajmet thonë se ZR-V do të përdorë një motor hibrid, i cili do t’i bashkohet gjeneratës së re të modelit HR-V dhe gjeneratës së ardhshme të CR- V.

Në çdo rast, ZR-V i ri është pjesë e strategjisë së Honda për të ridizajnuar linjën e saj evropiane me modele hibride. Mbetet për t’u parë nëse ZR-V do të përdorë një motor hibrid nga modeli HR-V ose një hibrid më të fuqishëm nga Civic elektrizuar.

Disa media supozojnë se versioni ZR-V për Evropën ndoshta do t’i ngjajë shumë vëllait të tij kinez, i cili u shfaq së fundmi (në foto). Në Kinë, ZR-V do të shitet vetëm me një motor 1.5-litërsh turbo benzine të çiftuar me një transmision CVT.

Shkronja Z në emër vjen nga dëshira e Honda për të kënaqur “nevojat e lëvizshmërisë së Gjeneratës Z dhe thyerjen e paradigmave në kërkim të përvojave të reja”./FrontOnline/