Asnjëherë në histori nuk ka pasur një makinë si Rimac Nevera, një hiper veturë e gjeneratës së ardhshme plotësisht elektrike prej dy milion euro që hap dimensione të reja në performancën e rrugës. Me 1914 kuaj fuqi nga katër motorë elektrikë, Nevera mund të përshpejtojë në 100 km/h për 1.85 sekonda dhe në 100 milje në orë (160.9 km / orë) në vetëm 4.3 sekonda.

Përshpejtimi mahnitës ruhet gjatë gjithë ciklit të plotë të gazit të plotë dhe arrin 300 km/h për 9.3 sekonda. Nevera është një variant serik i makinës konceptuale Rimac C_Two, treguar për herë të parë në Panairin Ndërkombëtar të Motorëve në Gjenevë më 2018.

Që nga ajo kohë, inxhinierët e automjeteve Rimac kanë përsosur modelin e tyre të ri në të gjitha nivelet gjatë një programi të gjerë zhvillimi, për të krijuar një përvojë superiore elektrike të vozitjes.

Shumica e përbërësve kryesorë të Nevera u zhvilluan në selinë e Rimac në Kroaci dhe të gjitha sistemet janë përmirësuar dhe azhurnuar në krahasim me prototipat e parë për të arritur qëllimet ambicioze të vendosura në fillim të projektit 2018.

Projektuar, zhvilluar dhe prodhuar me krenari nga ‘Rimac Automobili’, Nevera mban gjithashtu një emër kroat që pasqyron performancën e jashtëzakonshme që mund të lëshojë sa hap e mbyll sytë. Nevera është një stuhi e fuqishme mesdhetare, e ngarkuar me rrufe, e cila shfaqet me shpejtësi dhe forcë të jashtëzakonshme.

Me shpejtësinë dhe fuqinë e tij, hiper makina e Rimčev ndan jo vetëm emrin, por edhe natyrën me Nevera. Ashtu si forca natyrore pas së cilës është emëruar, ajo është po aq e aftë të ndryshojë menjëherë natyrën nga një Grand Tourer i sigurt dhe i rehatshëm në një makinë me performancë të lartë.

“Ne do të prodhojmë vetëm 150 kopje të Nevera, me secilën makinë të prodhuar në Kroaci, të motivuar nga pasioni i të gjithë ekipit për makinat,” thotë Mate Rimac, themelues dhe CEO i ‘Rimac Automobil’./FrontOnline/