Nënkryetari i LDK-së, Lutfi Haziri, ka thënë se në çdo situatë kur shteti s’ka qeveri të legjitimuar, quhet qeveri në detyrë.

Sipas tij, as mocioni i mosbesimit nuk ia merr të drejtën me qenë kryeministër në detyrë, teksa kujtoi kohën kur ish-kryeministri Isa Mustafa dhe ministrat e qeverisë vazhduan deri në betim për deputetë, por sipas tij, ata liruan zyrtar e qeverisë për ulëset e parlamentit.

“Në çdo situatë kur nuk ke qeveri të legjitimuar, quhet qeveri në detyrë. As mocioni i mosbesimit nuk ta merr të drejtën me qenë kryeministër në detyrë sepse Mustafa dhe ministrat e qeverisë së rrëzuar nga PDK dhe aleatët, vazhduan deri në betimin për deputetë që dolën nga zgjedhjet e rregullta, por ata liruan zyrat e Qeverisë për bankat e Parlamentit”, tha ai.

Tutje, Haziri akuzoi Lëvizjen Vetëvendosje dhe kryeministrin në detyrë, Albin Kurti, bashkë me ministrat në detyrë, duke thënë se “ju edhe deputetë edhe ministra, sipas kësaj logjike, mundeni me qenë edhe prokuror edhe gjykatës.

“Ata që e duan Republikën, e ruajnë dhe e respektojnë. Sovraniteti nuk është veç në një copë toke, por në sallën e Kuvendit të Republikës dhe në zemrën e Kushtetutës së Republikës”, tha ai.