Monitoruesja e punës së kuvendit nga KDI, Agnesa Haxhiu, thotë dështimi për herë të gjashtë i Projektligjit për Rimëkëmbje Ekonomike, tregon brishtisë e koalicionit qeverisës.Haxhiu në një prononcim për “Gazeta Blic” thekson se në momentin që Qeverisë i mungojnë votat për të kaluar një projektligj me shumicë të thjeshtë atëherë është detyrë e saj të përafrojë qëndrimet me opozitën.
“Dështimi për të gjashtën herë i kalimit të Projektligjit për Rimëkembje ekonomike edhe njëherë shpërfaqi brishtësinë e shumicës parlamentare. Në fakt po përsëritet e njëjta situatë sikurse në legjislaturën e 6-të kur shumica e atëhershme parlamentare e kishte humbur defacto shumicën në Kuvend dhe nuk arrinte të shtynte përpara as çështjet që kërkoni shumicë të thjeshtë”
“Padyshim, i takon koalicionit qeverisës që të siguroj numrat e nevojshëm për të kaluar të paktën çështjet që kërkojnë shumicë të thjeshtë të votave. Por nëse i mungojnë votat, atëherë është detyrë dhe obligim i Qeverisë që të përafëroj qëndrimet me opozitën sa i takon përmbajtjes së këtij projektligji dhe të gjej kompromis duke inkorporuar kërkësat e tyre në mënyrë që t’i siguroj përkrahjen e opozitës për një projektligj kaq të rëndësishëm. Nëse nuk arrin ta bëj këtë, qeveria nuk do të mundet as ta jetësoj programin e saj qeverisës në tërësi sepse ashtu siç po dëshmohet në seancat e fundit, nuk i ka numrat e nevojshëm.”
Ajo tutje potencon se mospjesëmarrja e deputetëve në votim pavarësisht prezencës së tyre fizike nuk është në përputhje më obligimet kushtetuese të deputetëve.
“Në anën tjetër, është e rëndësishmë të theksohet fakti që mospjesëmarrja e deputetëve në votim pavarësisht prezencës së tyre fizike nuk është në përputhje më obligimet kushtetuese të deputetëve. Është obligim i të gjithë deputetëve që të marrin pjesë në punimet e Kuvendit dhe të shprehin qëndrimet e tyre përmes votës” tha Haxhiu për Gazeta Blic.
Votimi i Projektligjit për Rimëkëmbje Ekonomike ka dështuar të kalojë në Kuvend për të gjashtën herë me radhë.Në votimin e seancës së sotme ky ligj arriti të marrë vetëm 58 vota nga 61 të detyrueshme për kalimin e tij.
