Ish-kryetari i Gjykatës Kushtetuese, Enver Hasani ka folur për mandatin e Ushtrueses së Detyrës së Presidentes, duke thënë se vendi i presidentit do të mbetet vakant nëse nuk zgjedhet presidenti i ri.

“Nëse kalohet afati prej gjashtë muajve për Ushtruesen e Detyrës së Presidentes, vendi i presidentes mbetet vakant”, tha ai.

Hasani thotë se nëse nuk zgjidhet çështja e presidentit brenda kësaj kohe vendi do të futej në një kaos ku nuk ka shpjegime në terma juridik.

“Kjo do të ishte një katastrofë për neve pasi do të jemi në një pozitë kush kujt ja mund”, tha ai në TV Dukagjini.

Ish-kryetari i Gjykatës Kushtetuese thotë se Vjosa Osmanin nuk e pengon Kushtetuta që të jetë pjesë e ndonjë subjekti politik apo të krijojë parti të re pasi sipas tij ajo nuk është presidente e zgjedhur.