Haradinaj-Stublla, qytetarëve: Mos u besoni sondazheve, dilni masovikisht në votime

Lajme

Haradinaj-Stublla, qytetarëve: Mos u besoni sondazheve, dilni masovikisht në votime

FrontOnline

14 Shkurt 2021

Anëtarja e Aleancës për Ardhmërinë e Kosovës Meliza Haradinaj Stublla, ju ka bërë thirrje të gjithë qytetarëve të vendit si dhe diasporës që të dalin për të votuar, sepse sipas saj kështu vendoset për të ardhmen e vendit.

‘Tani kur kanë mbetur më pak se 5 orë kohë deri në mbylljen e vendvotimeve, Aleanca për Ardhmërinë e Kosovës ju fton që të dilni masovikisht në votime. Vendosni për të ardhmen e këtij vendi. Duke dalë në numër të madh, i jepni kuptim këtyre zgjedhjeve’, u shpreh ai.

Po ashtu, ajo foli edhe për disa qarkullime të sondazheve apo exit polle, ku ndër të tjera i ftoi qytetarët që mos të ju besojnë këtyre informatave, pasi sipas saj, rezultati i vetëm i vlefshëm është numërimi i votave.

‘Kemi informata se në rrethe të caktuara e në mënyrë klandestine po qarkullojnë do far sondazhe apo exit polle. Mos besoni asgjë. Rezultati i vetëm i vlefshëm është numërimi i votave’, tha para medieve.

‘Sot të gjithë ne hedhim votën vendimtare për shumë procese të rëndësishme me të cilat do të ballafaqohemi si Kosovë. Bashkë duke e sfiduar motin e ftohët e duke e shijuar natyrën e bukur me borë ne duhet ta sfidojmë edhe Serbinë përmes votës sonë. Nga këto zgjedhje duhet të dalë një Qeveri stabile e afatgjate, një Kuvend me mandatë të plotë dhe një President i qëndrueshëm e para se gjithash unifikues, që i garantojnë bashkë Kosovës integritetin territorial, rendin aktual kushtetues, dhe karakterin unitar të saj. Por po ashtu edhe zhvillimin e gjithëmbarshëm dhe rrugëtimin ndërkombëtar për anëtarësimin në NATO, dhe njohje universale me miq e aleate të vjetër e të ri’, tha Haradinaj-Stublla.

Ajo ndër të tjera tha se procesi zgjedhor është duke shkuar mirë.

‘Nga informatat qe po pranojmë vazhdimisht nga terreni dhe shtabet tona komunale anembanë Kosovës, bëjmë të ditur se procesi po shkon mirë, pa incidente madhore, por shifrat e deritanishme të daljes në votime nuk janë të kënaqshme, ku janë më pas se 20 për qind.

Ajo më tej tha se kemi informata që në mënyrë klandestine po qarkullojnë disa sondazhe e exit polle që kanë për qëllim të manipulohet opinioni.

‘Po ashtu kemi informata se në rrethe të caktuara dhe në mënyrë klandestine po qarkullojnë disa sondazhe e exit polle që kanë për qëllim të manipulohet opinioni publik. Ju e dini qe as sondazhet as exit pollet nuk mund të publikohen para se të mbyllen kutitë e votimit. Andaj ju lutem mos besoni në asnjë informatë të tillë. Rezultati i vlefshëm dhe i vetëm është vetëm numërimi i votave pas mbylljes së kutive’, tha ajo.

Krejt në fund Haradinaj Stublla, i bëri thirrje edhe diasporës që të dalin të votojnë dhe i falënderoi për mundin që kanë marrë për të ardhur në Kosovë në këto ditë të vështira atmosferike.

‘Ju bëjë thirrje të gjithëve pa dallim, përfshirë diasporën tonë te dashur, që kanë marrë rrugë prej larg, që me kujdes të shtuar për shkak të kushteve te vështira atmosferike por me vendosmëri të madhe të dalin dhe të bëhen pjesë e këtij procesi demokratik për të gjithë ne. Vota jonë përveç që është besim i shenjtë, është edhe vendim për të ardhmen tonë nesër’, përfundoi ajo.

Të fundit