Kryetari i Aleancës për Ardhmërinë e Kosovës, Ramush Haradinaj ka përkujtuar 22 vjetorin e rënies së dhjetë anëtarëve të familjes Rama në Obliq.

Ai, përmes një postimi në profilin e tij në Facebook, ka shkruar se në fund të marsit të vitit 1999 aparati gjenocidal serb, ishte mobilizuar në tërë vendin, duke u hakmarrë ndaj popullatës së paarmatosur.

Haradinaj, ka shkruar se sot ndjehet krenar që kemi Ushtrinë e cila është e gatshme të ballafaqohet me secilin agresor.

Postimi i tij i plotë:

Liria erdhi nga gjaku i tyre!

Në fundin e marsit 1999, aparati gjenocidal serb, ishte mobilizuar në tërë vendin, duke u hakmarrë ndaj popullatës së paarmatosur.

Kujtojmë sot martirizimin e dhjetë antarëve të familjes Rama në Obiliq.

Ne ditën e tyre përkujtimore, kujtojmë po ashtu, mbi 180 martirë të lirisë nga Fushë Kosova.

Në këtë datë të kobshme, egërsia barbare u shpërfaq edhe në lagjen Dardania dhe në tërë qytetin e Pejës.

Ndërkohë, makineria vrastare, në Malet e Berishës bombardoi zërin e Ushtrisë Çlirimtare të Kosovës, radiostacionin “Kosova e Lirë”, me ç’rast ra dëshmor Elbasan Berisha.

Duke ndjerë dhembje të madhe, njëkohësisht jemi krenarë që sot kemi Ushtrinë që është e gatshme të ballafaqohet me secilin agresor, e të mos e lejojë asnjëherë të përsëritet historia jonë e përgjakshme.

Përgjithmonë të përulur para sakrificës së të rënëve për liri!/Front Online/

https://www.facebook.com/RamushHaradinajOfficial/posts/2546440115480387