Kandidati për kryeministër i Aleancës për Ardhmërinë e Kosovës, Ramush Haradinaj sonte Grabanicë të Klinës është shprehur se nuk duhet jetuar për hatrin e dikujt që siç u shpreh ai, dëshiron të mbetet në pushtet.

Haradinaj para qytetarëve atje tha se duhet ecur përpara dhe nuk duhet jetuar në improvizime.

“Ne nuk duhet të jetojmë për hatër të dikujt që do me mbetë në pushtet, e i ka ikur koha e heroizmave e patriotizmave, nuk duhet me jetu në pasiguri për hatër të një njeriu, se ai do me i shëru komplekset e veta”.

“Ne jemi një popull, ne kemi të drejta, ne jemi njerëz të këtij vendi, ne duam të zhvillohemi, duam të ecim, duam të shkojmë si popujt e tjerë, si Kroacia, si Sllovenia, si Shqipëria, duam të ecim, nuk duam të jetojmë në improvizime, në këto që i ndodhin Kosovës”, u shpreh Haradinaj.