Kryetari i AAK-së, Ramush Haradinaj, e ka uruar Distria Krasniqin e cila e fitoi medaljen e artë në Kampionatin Evropian të Xhudos që po mbahet në Lisbonë të Portugalisë.
Ai ka thënë se si shoqëri dhe si shtet i kemi borxh Distria Krasniqit, trajnerit Driton Kuka dhe ekipit të kampionëve.
“Urime Kosovë. Në Portugali, u ngrit lartë flamuri ynë, me ngjyra që shkëlqyen fal vajzës së artë Distria Krasniqi. Si shoqëri e shtet, u kemi shumë borxh Distrias, Dritonit dhe tërë ekipit të kampionëve, që ngritën lartë imazhin e vendit tonë në tërë botën”.
I pari i AAK-së, përmes një postimi në Facebook, ka thënë se është i bindur se sukseset e sportistëve kosovarë do të vazhdojnë.
“Emocionet që përjetuam sonte, nuk janë të parat, por as të fundit, sepse besojmë fuqishëm që sukseset e sportit tonë do të vazhdojnë të na bëjnë krenarë.Faleminderit kampione!”.