Greqi, shtetrrethim nate mbarëkombëtar nga 13 nëntori

Një shtetrrethim nate do të hyjë në fuqi në të gjithë vendin të premten, më 13 nëntor, njoftoi zëvendësministri për Mbrojtjen Civile dhe Menaxhimin e Krizave, Nikos Hardalias, në një konferencë të drejtpërdrejtë të mbajtur sot në mbrëmje.

“Gjatë orëve 21:00 – 05:00, çdo ditë, qytetarët duhet të kufizojnë daljet e tyre në minimum: vetëm për punën, urgjenca shëndetësore dhe shëtitjen e kafshëve shtëpiake”, tha ministri, raporton ATSh.

Gjatë kësaj kohe, qytetarët duhet të kërkojnë një leje për daljet e tyre, të lëshuara përmes mesazheve SMS.

“Në lidhje me stërvitjet personale, këto duhet të kryhet nga një maksimum prej tre personash në afërsi të shtëpive të tyre, nuk ka të bëjë me stërvitjet atletike në nivel klubi profesional”, sqaroi ministri.

Greqia aktualisht i është nënshtruar një bllokim mbarëkombëtar, që hyri në fuqi në 7 nëntor dhe do të mbetet efektiv deri më 30 nëntor.

“Petrol Company” në natën e “Kurban Bajramit” e bën me shtëpi të re familjen nga Skenderaj

Sponsoruar