Grekja 92 vjeçe takohet pas 70 vjetësh me çifutët që i shpëtoi nga nazistët

Një grua greke e moshës 92-vjeçare është ritakuar për herë të parë pas Luftës së Dytë Botërore me dy çifutë që i kishte ndihmuar për të shpëtuar nga përndjekja e nazistëve kur ata e kishin pushtuar Greqinë.

Kur ishte adoleshente, Melpomeni Dina, i kishte fshehur gjashtë pjesëtarë të familjes Mordechai në shtëpinë e saj dhe më pas i kishte ndihmuar që të iknin.

Më shumë se shtatë dekada më vonë, ata u takuan përsëri mes lotësh në muzeun memorial të Holokaustit në Jerusalem.

Personat që i kishin mbijetuar Holokaustit, Sarah Yanai dhe Yossi Mor, i sollën me vete në këtë takim edhe 20 fëmijët, nipërit e mbesat e tyre.

“Nuk ka fjalë që e përshkruajnë këtë ndjenjë. Është shumë emocionale për ne që jemi përsëri bashkë. Ishim fshehur në shtëpinë e saj. Ajo ma shpëtoi tërë familjen. Gjashtë njerëz…nuk mund të paramendoni sa e rrezikshme ishte kjo për të, për familjen e saj. Ata na e shpëtuan jetën”, tha Sarah Yanai.

Gjermania naziste e kishte pushtuar Greqinë në vitet 1941-1944 dhe shumica e popullsisë çifute, rreth 80 mijë njerëz, vdiqën nga përndjekja e nazistëve. Shumë prej tyre ishin vrarë në kampin famëkeq, Auschwitz, shkruan “BBC”./Front Online/

Vetëm 60 euro kap ofertën Al Inclusive të “Sharr Travel” në Aqua Fafa

Sponsoruar