Një person i maskuar ka kryer një grabitje në një market në rrugën “Gjergj Fishta” në Pejë.
Policia ka njoftuar se nën kërcënimin e thikës, ai ka kanosur një person dhe e ka detyruar të hapë arkën, prej së cilës ka grabitur shumën prej 470 eurosh.
Dy ditë më vonë, policia ka arritur ta identifikojë dhe ta arrestojë të dyshuarin.
“Policia menjëherë ju ka përgjigjur rastit dhe me të arritur në vend ngjarje nga viktima ka kuptuar se një person i maskuar nën kërcënimin e armës mjetë të mprehte (thikë) e kishte kanosur viktimën nga e cila kishte kërkuar qe ta hapte arkën nga arka i dyshuari kishte grabitur shumen e prej katërqind e shtatëdhjetë (470) euro dhe ishte larguar në drejtim të pa njohur”.
“Pas një pune intensive të hetuesve rajonal, me datë 26. 11. 2024, është arrit të identifikojnë dhe arrestojnë të dyshuarin. Pas intervistimit nga hetuesit në prezencën e Avokatit mbrojtës, me urdhër të Prokurorit shtetit i dyshuari është ndaluar për 48 orë”, thuhet në njoftimin e policisë.
