Prishtinë, 22 prill 2025 – Policia e Kosovës ka ndërmarrë një operacion të suksesshëm antidrogë në rajonin e Prishtinës, duke çmontuar një rrjet të organizuar të shpërndarjes së kokainës. Operacioni u zhvillua nga Drejtoria për Hetimin e Trafikimit me Narkotikë – Sektori Qendror, në bashkëpunim të ngushtë me Prokurorinë Themelore të Prishtinës – Departamenti për Krime të Rënda.
Bazuar në hetime të gjata dhe të mbështetura me masa të veçanta hetimore, më 22 prill 2025 rreth orës 15:00, policia realizoi me sukses një plan operativ që çoi në arrestimin e disa të dyshuarve për veprën penale “blerja, posedimi, shpërndarja dhe shitja e paautorizuar e narkotikëve”, sipas Nenit 267 të Kodit Penal të Kosovës.
Gjatë aksionit të zhvilluar në Prishtinë:
Në vijim të aksionit, policia arrestoi edhe dy persona të tjerë që tentuan të largohen nga vendi i ngjarjes me veturën e tyre. Gjatë kontrollit, tek këta persona u gjet një armë zjarri, ndërsa automjeti që përdornin rezultoi me dokumentacion të falsifikuar. Megjithatë, Policia ka konfirmuar se këta dy persona nuk janë të ndërlidhur me rastin kryesor dhe janë proceduar nga patrulla e Stacionit Policor Jugu në Prishtinë.
Në total, gjatë këtij operacioni janë sekuestruar mbi 4.9 kilogramë kokainë, me një vlerë tregu që kap shumën e rreth 380,000 eurove, si dhe disa armë zjarri dhe mjete të tjera relevante për hetim.
Të gjithë të dyshuarve kryesorë u është caktuar masa e ndalimit prej 48 orësh, ndërsa hetimet po vazhdojnë nën udhëheqjen e DHTN – Sektori Qendror në bashkëpunim me organet e drejtësisë.
Policia e Kosovës thekson përkushtimin e saj në luftimin e trafikimit të narkotikëve dhe apelon tek qytetarët që të bashkëpunojnë duke raportuar çdo aktivitet të dyshimtë, me qëllim të ndërtimit të një mjedisi më të sigurt për të gjithë.
