General Motors planifikon të “tërheqë” më shumë se 90,000 modele Cadillac dhe Chevrolet Camaro.

Arsyeja, siç raportojnë mediat e huaja, përcjell Telegrafi, është për shkak të problemeve të valvulave të kontrollit të transmisionit që mund të shkaktojnë bllokimin e gomave dhe të çojnë në një aksident.

“Kjo tërheqje përfshin vetëm automjete të pajisura me transmision me 10 shpejtësi”, sipas një raporti nga Administrata Kombëtare e Sigurisë së Trafikut në Autostrada.

Automjetet e pajisura me transmisione të tjera nuk preken nga ky vendim.

NHTSA thotë se nga rreth 90,081 automjete të prekura potencialisht, rreth 1% janë vlerësuar të kenë defektin, i cili mund të vijë si rezultat i konsumit të tepërt dhe mund të shkaktojë probleme presioni që rezultojnë në ndërrim më të ashpër.

“Në raste të rralla, rrotat mund të përjetojnë një bllokim të çastit”, tha administrata në një njoftim për tërheqje, duke shtuar se rrit gjasat e një përplasjeje.

GM i tha FOX Business se “siguria e klientëve tanë është prioriteti më i lartë për të gjithë ekipin e GM” dhe se GM “po punonte për ta rregulluar këtë çështje nëpërmjet një përditësimi të softuerit sa më shpejt të jetë e mundur”. /Telegrafi/