×
  • Kronika
  • Kronika

    Gjykimi në mungesë për krime lufte ndaj Jovanoviqit, mbrojtja s’deklarohet pasi s’është pajisur me shkresa të lëndës

    FrontOnline
    21 Shkurt 2024

    Në Gjykatën Themelore të Prishtinës të mërkurën është mbajtur seanca fillestare e gjykimit në mungesë ndaj të akuzuarit Millan Jovanoviq, me ç’rast mbrojtësi i tij, avokati Ljubinko Tudoroviq, tha se nuk mund të deklarohet asgjë lidhur me këtë çështje penale, ngase nuk është i pajisur me shkresa të lëndës.

    Jovanoviqi ngarkohet se në kohën e luftës në Kosovë me përdorimin e dhunës dhe veprimeve tjera çnjerëzore në bashkëkryerje me personat e tjerë, kishte kryer dhunim seksual ndaj gruas të nacionalitetit shqiptar.

    Fillimisht, në këtë seancë si mbrojtës i të akuzuarit ishte paraqitur avokati Fahri Sadriu, i caktuar nga Oda e Avokatëve, i cili tha se ai nuk posedon shkresat e lëndës dhe se në këtë seancë ka ardhur vetëm që të mos mungojë por që nuk ka mundësi që ta përcjellë këtë shqyrtim deri në fund.

    Lidhur me këtë, prokurori special Ilir Morina tha se shkresat e lëndës kanë urdhër mbrojtje dhe nuk mund t’i ndajë me disa avokatë, duke kërkuar që OAK-u të caktojë një avokat të vetëm dhe i njëjti të mos ndërrohet për shkak të ndjeshmërisë.

    “Te rastet e dhunës seksuale të mos përsëritet kjo situatë”, ka thënë prokurori Morina.

    Më pas, gjykatësi Vesel Ismaili bëri të ditur se pas ka kontaktuar me OAK, është njoftuar se është bërë një ngatërresë pasi që për këtë seancë ka qenë i ftuar me ftesë avokati Ljubinko Tudoroviq, i cili është paraqitur në seancë pas gjysmë ore.

    Pas leximit të dispozitivit të aktakuzës nga prokurori special Morina, avokati Tudoroviq tha se meqenëse ende nuk është i pajisur me shkresat e lëndës nuk mund të deklarohet asgjë lidhur me këtë çështje penale.

    Kurse, gjykatësi Ismaili e njoftoi të njëjtin se brenda afatit prej 30 ditësh mund të bëjë kundërshtimin e provave, si dhe të paraqesë kërkesë për hedhje të aktakuzës.

    Ndryshe, Prokuroria Speciale e Republikës së Kosovës, më 27 nëntor 2023, kishte ngritur aktakuzë për gjykim në mungesë kundër të pandehurit Millan Jovanoviq, i cili në kohën e luftës në Kosovë, si pjesëtar i forcave policore të Serbisë, gjatë një sulmi të gjerë dhe sistematik nga forcat ushtarake, policore dhe paramilitare serbe, kundër popullatës civile shqiptare në tërë territorin e Kosovës, duke ditur ekzistimin e një sulmi të tillë, me përdorimin e dhunës dhe veprimeve të tjera çnjerëzore, me bashkëkryerje me personat e tjerë deri tani të paidentifikuar ka kryer dhunim seksual ndaj gruas të nacionalitetit shqiptar.

    Me këtë, akuzohet se në bashkëkryerje me persona të tjerë të uniformuar dhe të armatosur ka kryer veprën penale “Krimet e luftës kundër popullsisë civile” nga Ligji Penal i Republikës Socialiste Federative të Jugosllavisë, aktualisht e inkriminuar si “Krimet kundër njerëzimit” në Kodin Penal të Republikës së Kosovës.

    Dispozitivi dhe arsyetimi i kësaj aktakuze janë redaktuar me qëllim të mbrojtjes së identitetit të viktimës dhe në përputhje me urdhrin e gjykatës për masë mbrojtëse. /BetimipërDrejtësi

    Auto Mita me një mundësi të mirë për bizneset – për çdo veturë të re, SERVISI FALAS deri në 100…
    Nga Rubrika
    Kronika19 Prill 2024
    Gjykata Themelore në Ferizaj i ka caktuar masën e paraburgimit kundër të pandehurit I.R. meqë dyshohet se kishte detyruar një të mitur...
    Kronika19 Prill 2024
    Prokuroria Themelore në Gjakovë, Departamenti i Krimeve të Rënda, njofton se ka ngritur aktakuzë, kundër të pandehurit D.Ll., për shkak të veprës...
    Kronika19 Prill 2024
    Policia e Kosovës për rajonin e Pejës ka bërë të ditur se ka dënuar një vozitës në Pejë i cili ishte me...
    Të tjera
    Lajme19 Prill 2024
    Ish-kryeministri Isa Mustafa i ka reaguar kryeministrit Albin Kurti për një deklaratë që ai e bëri sot në 11 vjetorin e Marrëveshjes...
    Sport19 Prill 2024
    Sot në selinë e Federatës së Futbollit të Kosovës është bërë tërheqja e shortit për gjysmëfinale të Kupës së Kosovës, në praninë...
    Sport19 Prill 2024
    Gjykata Themelore në Pejë, – Departamenti i Përgjithshëm, Divizioni Civil, e ka aprovuar pjesërisht kërkesën e palës së mbrojtur Suela Muminoviq-Gjakova, për...
    Lajme19 Prill 2024
    Enver Dugolli, deputet i Kuvendit të Kosovës nga radhët e LVV-së, ka folur për situatën e sigurisë në vend, si dhe për çështjet...
    Lajme19 Prill 2024
    Kryetari i Podujevës, Shpejtim Bulliqi ka pritur sot në takim, ministren për Punë të Jashtme dhe Diasporë, Donika Gërvallën. Bulliqi bën me...
    Vip19 Prill 2024
      Vesa Vllasaliu, ish-konkurrentja e “Big Brother VIP Kosova”, ka nxitur dyshimet se po i jep fund beqarisë. Ndonëse nuk ka postuar...

    FrontOnline, © 2024 Të gjitha të drejtat e rezervuara.