Një konflikt mes disa personave është regjistruar pasditen e sotme në ambientet e një zyre elektorale të Partisë Socialdemokrate (PSD), në rrugën “Ali Demi” në Tiranë.
Ngjarja ka ndodhur rreth orës 14:00 dhe sipas policisë janë konstatuar dëmtime në xhamat e zyrës si dhe dy fishekë të paplasur.
Nuk raportohet për persona të lënduar.
Personat e përfshirë në konflikt janë larguar me automjet dhe janë në kërkim nga policia. Hetimet po vijojnë për zbardhjen e rrethanave dhe motivit të ngjarjes.
