Gjilani në edicionin e ardhshëm pritet të jetë një ndër skuadrat më të forta në elitën e futbollit kosovar.

Skuadra e drejtuar nga Ismet Munishi që tani ka nisur të mendojë për transferime.

“Zeri” mëson se klubi nga Anamorava synon katër përforcime të mëdha në verë.

Blend Baftiu, Arbër Prekazi e Edvin Kuc nga Ballkani dhe Albert Dabiqaj i Feronikelit janë katër lojtarët që synohen me ngulm nga gjilanasit në verë.

“Timonieri” Munishi dhe klubi gjilanas i vlerësojnë maksimalisht lojtarët në fjalë, derisa tashmë kanë nisur edhe negociatat për veshjen e tyre kuqebardhë.

Gjilani së fundmi e ka nisur edhe operacionin “fshesa”, pasi futbollistët Darko Nikaq dhe Ivan Fustar tashmë janë larguar nga skuadra.

Ndryshe, Gjilani dy xhiro para përfundimit të edicionit ndodhet në pozitën e katërt, me 48 pikë të grumbulluara.

Dy ndeshjet e fundit në kampionat i zhvillon ndaj Prishtinës në Gjilan dhe ndaj Besës në udhëtim.