Besart Kelmendi, fituesi i edicionit të katërt të “Big Brother Albania”, ka dhënë intervistën e tij të parë në një program të njohur si “Portokalli”.

Gjatë këtij shou, ai ka folur për arritjet e tij dhe planet për të ardhmen, raporton Gazeta Sinjali.

“Qëllimin tim e kam arritur dhe tani do të vazhdoj me angazhime të reja. Më njeh e gjithë bota dhe jam krenar për këtë. Faleminderit shumë”, ka thënë ai, duke u shprehur i lumtur për fitoren e çmimit të madh të Big Brother Vip Albania.

Kelmendi gjithashtu ka zbuluar se 100 mijë eurot e fituara do t’i investojë në karrierën e tij dhe në njerëzit që ka afër zemrës.

“Do të investoj në karrierën time dhe do të kujdesem për ata që janë më të rëndësishëm për mua”, ka shtuar ai.

Kur u pyet për marrëdhënien e tij me Egli Takon, këngëtari nga Peja nuk ka dhënë një përgjigje të qartë, duke lënë hapësirë për spekulime.