Juventusi e ka regjistruar një fitore të rëndësishme dje ndaj Genoas me rezultat 3:1 në Serie A.

Megjithatë, fitorja e djeshme e “Zonjës së Vjetër” ra nën hijën e një veprimi të pahijshëm të portugezit në fund të ndeshjes, shkruan FrontOnline.

Ronaldo nuk e gjeti golin dje, derisa ishte i nervozuar gjatë gjithë ndeshjes.

Pas vërshëllimës së gjyqtarit, ylli portugez hoqi fanellën e tij duke e hedhur në toke dhe u nis drejt zhveshtoreve.

Ky veprim është kapur nga kamerat, dhe kritikat ishin të shumta pasi vetëm pak kohë më parë sulmuesi portugez bëri diçka identike, duke flakur poshtë shiritin e kapitenit të Portugalisë në ndeshjen ndaj Serbisë.

Menjëherë në mbrojtje të 36 vjeçarit, ka dalë trajneri juventin, Andrea Pirlo, i cili u shpreh se këto janë gjëra normale për kampionë si puna e Ronaldos.

‘’Është normalë që ai dëshironte të shënonte gol, veçanërisht duke parë që ndeshja ishte gjatë gjithë kohës në favorin tonë. Veprimi i tij është pjesë e një qëndrimi prej kampioni që do të lërë përherë gjurmë’, ishin fjalët e trajnerit italian, Andrea Pirlo./FrontOnline/