Rritja e shitjeve të makinave elektrike është pjesërisht e motivuar nga subvencionet për blerjen e tyre. Automotive News Europe shkruan se Ministria Gjermane e Ekonomisë dëshiron të heqë subvencionet për automjetet hibride plug-in deri në fund të vitit 2022, si dhe të reduktojë subvencionet për automjetet elektrike duke filluar nga viti 2023.

Plani i ri do të pezullonte stimulin aktual prej 4,500 euro për hibridet plug-in, ndërsa subvencionet për veturat elektrike do të bien nga 6,000 euro në 4,000 euro nga viti i ardhshëm dhe në 3,000 euro nga viti 2024, raporton Revista HAK.

Gjermania kishte planifikuar tashmë heqjen e subvencioneve për automjetet, por këto ide u refuzuan nga ekspertë të industrisë së automobilave.

Kreu i lobit gjerman të prodhuesit të makinave VDA, Hildegard Mueller, tha se hibridet plug-in shërbejnë si pionierë për kalimin në lëvizjen elektrike dhe heqja e subvencioneve do të rrezikonte rritjen e lëvizshmërisë elektrike. E gjithë kjo do të jetë një provë e madhe për të gjithë industrinë e automjeteve elektrike dhe popullaritetin e tyre. Sa për hibridet plug-in, ata do ta kenë të vështirë të mbijetojnë në kushtet e reja./FrontOnline/