Influencuesja dhe modelja e popullarizuar Janae Gagnier, e njohur gjithashtu si Miss Mercedes Morr, u gjet e vdekur të dielën në Richmond të Teksasit. Policia dyshon për një rast vrasjeje dhe vetëvrasjeje, raportuan mediat amerikane.

Gagnier, një model 33-vjeçare me më shumë se 2.5 milion ndjekës në Instagram, u gjet i vdekur në apartament. Trupi i një burri i cili nuk u identifikua menjëherë ishte gjithashtu në vendngjarje. Ai më vonë u identifikua si 34-vjeçari Kevin Alexander Accorto.

Sipas Departamentit të Policisë Richmond, nuk kishte asnjë lidhje të njohur midis tij dhe Gagnier.

Oficerët e policisë i gjetën trupat pasi iu përgjigjën një njoftimi rreth orës 4 pasdite të së dielës. Shkaku i vdekjes nuk dihet ende. Gagnier ishte gjithashtu aktive në OnlyFans, dhe ishte për herë të fundit aktive në mediat sociale në mes të gushtit./FrontOnline/