Megjithëse gjakderdhja është një shenjë e duhur e gingivitit, një fazë e hershme e sëmundjes parodontale, ajo gjithashtu mund të sinjalizojë nivele të ulëta të vitaminës C në trupin tuaj, sugjeron një studim i botuar në revistën mjekësore ‘Nutrition Reviews’.

Studiuesit ekzaminuan 15 studime të botuara që përfshijnë 1,140 njerëz të shëndetshëm, si dhe të dhëna mbi shëndetin dhe dietën e 8,210 njerëzve të marrë në një studim të kryer nga Qendrat Amerikane për Kontrollin dhe Parandalimin e Sëmundjeve. Ata zbuluan se nivelet e ulëta të vitaminës C në qarkullimin e gjakut shoqëroheshin me një rrezik në rritje të gjakderdhjes nga mishrat, dhe vunë në dukje se rritja e marrjes së vitaminës C mund të ndihmojë në zgjidhjen e problemit.

Gjakderdhja e rritur është përgjithësisht një nga simptomat e skorbutit, një sëmundje e shkaktuar nga mungesa e rëndë e vitaminës C. Skurbuti, i cili shpesh prekte marinarët në shekullin e 18-të të cilët nuk kishin qasje në fruta dhe perime, është një dukuri shumë e rrallë sot. Marrja e rekomanduar ditore e vitaminës C për të rriturit është 90 miligram (mg), dhe ekspertët për të rritur furnizimin me vitaminë C rekomandojnë marrjen e ushqimeve të tilla si lakër jeshile, portokall, speca dhe kivi, ose marrja e suplementeve të vitaminës C nga 100 në 200 mg. Gjithashtu, ekspertët paralajmërojnë që duhet të këshilloheni me dentistin tuaj nëse mishrat e dhëmbëve ju rrjedhin gjak gjatë larjes ose pastrimit të dhëmbëve me pe./FrontOnline/