Shefi i grupi parlamentar të Lidhjes Demokratike të Kosovës Arben Gashi, ishte mysafir i edicionit të sotëm të emisionit DPT Te Fidanit në Klan Kosova.
Me Gashin u diskutuan tema të ndryshme, me interes publik.
Ai pati një varg kritikash drejt qeverisë së udhëhequr nga kryeministri Albin Kurti.
“Ajo se çka mund të themi deri më tani është se kemi parë një qeveri jokompetente, kemi parë një qeveri me ambicie për kapje institucionale, kemi parë një qeveri me ambicie për shkelje të vazhdueshme kushtetuese, kemi parë një qeveri me afera të jashtëzakonshme korruptive e po ashtu e kemi parë një qeverisje e cila fatkeqësisht e ka vendosur Kosovën nën sanksione ndërkombëtare”, tha Gashi.
