Kujtim Gashi nga Partia Demokratike e Kosovës thotë se ekziston disponimi nga qytetarët që subjekti ku ai bën pjesë të marrë drejtimin e vendit sërish.

Gashi në Edicionin Special në Klan Kosova foli edhe për mocionin e rrëzimit të qeverisë të inicuar nga Lëvizja Vetëvendosje teksa tha se nuk beson se arrijnë t’i bëjnë 61 vota.

“Debati që po zhvillohet jashtë PDK-së është mungesë vizioni nga këto parti që po udhëheqin vendin”.

“Për një periudhë të shkurtë tek shumica e qytetarëve ekziston dispionimi se PDK-ja me drejtu shtetin sërish”.

“PDK ka deklaruar disa herë që kjo nismë e VV-së ka qenë për show mediatik dhe nuk është serioze për faktin se mënyra si na kanë ftuar ka ndodhur nëpërmjet medieve dhe konferencave por kur kërkon bashkëpunim duhet të ulesh në tavolinë dhe me fol për strategji dhe VV duhet të tregoj për vijat e kuqe që ia pati vendosur PDK-së për këto duhet tu tregoj qytetarëve dhe pastaj të ulemi”

“Besoj se me VV-në nuk mund t’i bëjmë 61 vota dhe nuk dëshirojmë të hyjmë në këto adventuara”.

Gashi foli edhe për përfshirjen e PDK-së në qeveri.

“Në subjektin tim politik në asnjë organ të saj nuk është diskutuar përfshirja e PDK-së në Qeveri, zëra mund të ketë por zyrtarisht nuk është diskutuar për hyrjen në Qeveri, 95% e pjesëtarëve të subjektit dëshirojnë të jemi në opozitë pasi jemi në rikonstruktim dhe pastaj do fitojmë zgjedhjet”.

“PDK po funksionin jashtëzakonisht mirë si opozitë dhe si të kalojë pandemia do të shkojmë në zgjedhje dhe PDK-ja do të fitojë zgjedhjet”.

“Në gjitha mënyrat tjera të përfshirjes në qeveri janë të dëmshme”.