Gara për Podujevën, beteja për vazhdimësi dhe ndryshim

Me 15 mars nuk patën mundësi.

Por me 29 nëntor, llapjanët, do të kenë mundësi të zgjedhin kryetarin e ri të qytetit të tyre.

Kjo meqë, Presidenti i vendit, Hashim Thaçi, të martën nënshkroi dekretin që lejon mbajtjen e zgjedhjeve në komunën e tyre.

Vendimi i të parit të shtetit nuk e ka zënë në befasi VV-në.

Kandidati i saj për kryetar në këtë komunë, Shpejtim Bulliqi, thotë se qysh moti janë gati.

“Vetëvendosja ka qenë e gatshme që atëherë që këtë proces ta përmbyll suksesshëm. Kemi qenë atëherë jemi edhe tash që t`i nënshtrohemi këtij procesi. E kemi gatishmërinë për të hyrë në këtë proces”, u shpreh Bulliqi për Front Online.

Gati janë edhe nga tabori i Lidhjes Demokratike të Kosovës.

Kandidati i saj NexhmiRudari shprehet i bindur në fitoren, si rezultat i punëve të mira të bëra në Llap që dy dekada.

“Nuk na ka befasuar aspak. Ne që 20 vjet kemi qenë të përgatitur dhe vazhdojmë të jemi të përgatitur. Nuk kemi dyshim që edhe këtë herë do të dalim fitues, shkaku i punëve të mira”.

Krejt të kundërtën e mendon kundërkanditati i tij ngaPartia Demokratike e Kosovës, NaimFetahu.

Ky thotë se pikërisht punët që LDK-ja i ka bërë që 20 vjet në Podujevë do t`ia sigurojnë atij fitoren.

“Kështu që jemi të përgatitur në të gjitha strukturat për me marrë pjesë nëzgjedhje dhe me dalë fitues. Puna e keqe do të na mundësojë të fitojmë më lehtë në Podujevë”, theksoi Fetahu për Front Online.

Sidoqoftë, kushdo që ta marrë postin e kryetarit të Podujevës nuk do ta mbajë atë me gjatë se deri në fund të vitit 2021 kur edhe pritet të mbahen zgjedhjet lokale në tërë territorin e Kosovës.

https://www.youtube.com/watch?v=D8-FrIl1y3c

Bonus dhe Premium Kartela të cilat po i ofron Petrol Company, kartelat më të kërkuara nga klientët

Sponsoruar