Chelsea ka pësuar humbje befasuese në “Boxing Day”.

Blutë e Londrës pësuan 1:2 në shtëpi nga Fulham, në kuadër të javës së 18-të në Premierligë.

Chelsea kaluan të parët në epërsi në minutën e 16-të kur Cole Palmer realizoi.

Deri në 10 minutat e fundit nuk pati gola dhe kur u mendua se Blutë e Londrës do t’i marrin tri pikët, Wilson doli në skenë për të barazuar rezultatin.

Deri në fund, Chelsea nuk arriti të shënonte golin e rikthimit të avantazhit.

Por, golin e përmbysjes dhe fitores së madhe të Fulhamit e shënoi Rodrigo Muniz në minutën e pestë shtesë.

Me këtë humbje, Chelsea mbetet me 35 pikë, katër më pak se Liverpooli që ka dy ndeshje më pak të luajtura.

Në anën tjetër, Fulham ngjitet në vendin e tetë me 28 pikë të grumbulluara.