Përveç perimeve, frutat duhet të përfshihen në menynë tonë, dhe më poshtë mund të lexoni se cilat fruta janë ideale për bukuri. “Një shalqi me madhësi të mesme përmban rreth 92 për qind ujë, kështu që është një mundësi e shkëlqyer kur bëhet fjalë për hidratimin”, thotë Elizabeth Bale nga ‘EB Nurition’. Uji është një pjesë e rëndësishme e funksionimit të trupit dhe përbën 60 për qind të përbërjes tonë trupore dhe luan një rol kryesor në pothuajse çdo organizëm. Shalqiri hidraton lëkurën dhe zvogëlon rrudhat.

Qershitë

Duke konsumuar qershi në një mënyrë natyrale, ju ndihmoni trupin të ketë më shumë energji. Shumica e kalorive në këtë frutë vijnë nga sheqernat natyrore në to, të cilat përmirësojnë gjendjen shpirtërore dhe rrisin nivelin e energjisë. Prandaj, herën tjetër kur të ndjeni rënien e energjisë tuaj gjatë ditës, e cila është aq shpesh në temperatura të larta, kapni një grusht qershi dhe menjëherë do të ndiheni më mirë. Qershitë përmbajnë një sasi të madhe të vitaminës C dhe zinkut, të cilat janë shumë të rëndësishme për rezistencën e trupit. Pastaj acid folik për një zemër dhe qarkullim të shëndetshëm të gjakut, kalcium për kockat dhe hekur për gjak. Sidoqoftë, më të vlefshmet janë pigmentet bimore, të ashtuquajturat antocianidina që gjenden në qershi. Ato forcojnë indin lidhor dhe parandalojnë formimin e rrudhave duke shkatërruar enzimat e dëmshme që e bëjnë lëkurën të vjetër dhe të rrudhur.

Kajsitë

Ato përmbajnë vitamina B, kryesisht B2 dhe B3, të cilat marrin pjesë në procese të ndryshme metabolike, dhe me marrje të rregullt shtypin celulitin, sepse përmbajnë shumë vitaminë C. Përparësia e këtij fruti është aftësia e tyre për të rregulluar tretjen, kapsllëkun, etj./FrontOnline/