Që nga hyrja e Kristit në “Big Brother”, Robert Aliaj ka komentuar shpeshherë rrugëtimin e të birit në shtëpi.

Këtë herë ka qenë mamaja e Kristit e cila ka reaguar lidhur me eksperiencën e të birit në “Big Brother”.

Ajo ka shprehur në “Shqipëria Live” mbështetje për të birin, teksa ka shprehur zhgënjim për komentet negative nga publiku jashtë për banorët dhe familjet e tyre.

“Po më duket sikur po jetojmë dy jetë paralele. Jetën reale dhe atë virtuale që shohim në ekran. Të shoh kur bën stërvitje, kur fle, kur je me Keisin. Aty janë krijuar situata të vështira. Dhunë, denigrime, ofendime. Aty bëhet një luftë e madhe dominancë ku përballen persona me pikëpamje të ndryshme. Ti e ke përballuar me argumente.

Ti je i mençur, i qetë dhe i balancuar. Ndihem shumë e zhgënjyer si qytetare dhe si prind, për turmën jashtë në komente, për denigrimin që u është bërë banorëve dhe prindërve të tjerë. Kristi mami të përqafon fort nga larg.”- tha nëna e Kristit.