Komisioni Qëndror i Zgjedhjeve ka marrë sot vendim që fushata zgjedhore në Podujevë të zgjasë vetëm pesë ditë, nga 23 deri 27 tetor. Por kundër këtij vendimi po shprehet kandidati i LVV-së për kryetar komune, Shpejtim Bulliqi.

Bulliqi në një prononcim për “Gazeta Blic” ka deklaruar se koha e shkurtër e fushatës nuk mundëson të shpaloset programi tek secili qytetar.

“Ne si subjekt politik përmes anëtarëve tonë në KQZ kemi paraqitur qendrimet tona dhe nuk pajtohemi me vendimin e KQZ-se, per vetëm 5 dite fushatë per shkak se koha e shkurter i cenon aktivitetet e partive politike ne kete gare zgjedhore. Koha e shkurter e fushates zgjedhore nuk na e mundeson ta shpalosim programin tone tek secili qytetar dhe alternativen tone qeverisese, po ashtu i minimizon debatet zgjedhore dhe perballjen mes kandidateve”Bulliqi deklaron se pavarsisht kësaj do ta respektojnë vendimin.
“Përkundër që e vleresojme si vendim të padrejte, ne do ta respektojme kete vendim”

Ndërsa kandidati i PDK-së për kryetar komune, Naim Fetahu, shprehet se do t’i përmbahen afateve kohore të vendosura nga KQZ dhe se respektojnë një vendim të tillë.“Eshtë çështje e KQZ-së, KQZ-ja merr vendime si institucion, cakton afatet kohore. Ne kemi pas edhe një fushatë në muajin Mars, dhe ne do t’i përmbahemi afateve të vendosura nga KQZ-ja. Kemi mendu se ndoshta mund të kemi një fushatë më të gjatë, ndoshta 10 ditore, por vendimi i KQZ-së të cilin ne do ta respektojnë” tha Fetahu për Gazeta Blic.Gazeta Blic ka provuar të kontaktojë edhe me kandidatin e LDK-së për kryetar komune në Podujevë, Nexhmi Rudari, për ta pyetur rreth këtij vendimi, i njëjti nuk është përgjigjur .