[wp-story]

Front TV

Flamuri i ndaluar/ Lugina nesër “vishet” kuq e zi

Flamuri i ndaluar/ Lugina nesër “vishet” kuq e zi
19:26 | 27 Nëntor 2020

Shaip Kamberi e vendosi midis parlamentit serb flamurin kombëtar.

E si deputeti shqiptar, njëjtë, do të veprojë edhe dikush tjetër i Luginës, veçse tjetërkund e në një ditë më të veçantë, shkruan Front Online.

Kryetari i Bujanovcit, Nagip Arifi, thotë se do ta vendosë atë në ditën e tij me 28 nëntor në objektin e komunës që drejton.

“Do të valojë flamuri dhe pastaj do të bëjmë homazhe edhe tek dëshmorët e rënë për liri të Ushtrisë Çlirimtare për Preshevë, Medvegjë e Bujanoc”, u shpreh ai për Front Online.

Ngritjen e simbolit kuq e zi nuk e vë në diskutim as Ragmi Mustafa, kryetari Këshillit Kombëtar shqiptar në Serbi.

“Ne do ta vazhdojmë me traditën për të shënuar këtë ditë të rëndësishme të identitit tonë kombëtar, e aq më tepër që 28 nëntorin e kemi shpall ditë feste për shqiptarët në Serbi. Nuk ka dilemë. Nuk ka forcë që e ndalon ruajtjen, kultivimin e aq më tepër provimin e identitetit tonë kombëtar”,u shpreh Mustafa për Front Online.

Mos lejimi i përdorimit të flamurit nuk është i vetmi diskriminim me të cilin shqiptarët përballën në Serbi.

Mustafa e Arifi përmendin edhe probleme tjera.

“Serbia përmes një programi të maskuar mirë burokratik po zhvillon,është duke bërë një spastrim të heshtur të shqiptarëve të Luginës së Preshevës. Ndër to duke filluar nga çështjet e identitetit e deri të sigurimet sekondare shëndetësore”, tha Mustafa për Front Online.

“Serbia nuk është duke e bërë diskriminimin vetëm dje, Serbia që nga pavarësia e Kosovës ka filluar, por edhe më parë. Ne nuk kërkojmë asgjë më shumë e as më pak por të respektohet parimi i reciprocitetit, atë që e kanë serbët në Kosovë ta kenë edhe shqiptarët në Serbi”, pohoi Arifi për Front Online.

Këto ankesa i kanë parashtuar kaherë shqiptarët në Luginë, por shteti serb nuk është se i ka marrur parasysh ndonjëherë ato.

 

Super zbritje në “Petrol Company”

Të tjera