Joe Biden ka folur tani nga Chase Center në Wilmington, Delaware, i njëjti vend ku ai pranoi nominimin Demokrat në Gusht.

Ai nuk e ka shpallur fitoren, pasi nuk ka akoma votat elektorale, por theksoi se po shpreson se do të fitojë zgjedhjet presidenciale të këtij viti.

“Këtu, njerëzit sundojnë. Fuqia nuk mund të merret. Ajo rrjedh nga njerëzit,” tha Biden.

“Është vullneti i tyre që përcakton se kush do të jetë president i Shteteve të Bashkuara dhe vullneti i tyre vetëm.”

“Dhe tani pas një nate të gjatë numërimi, është e qartë se ne po fitojmë mjaft shtete për të arritur 270 vota elektorale të nevojshme për të fituar presidencën,” vazhdoi Biden.

“Unë nuk jam këtu për të deklaruar se kemi fituar. Por unë jam këtu për të raportuar, kur përfundon numërimi, ne besojmë se do të jemi fituesit.”

Biden gjithashtu thekson pjesëmarrjen historike të votuesve këtë vit, duke thënë se ai dhe shoku i tij kandidat Kamala Harris janë në rrugën e duhur për të fituar më shumë vota sesa çdo kandidat në historinë e këtij vendi.