×
  • Lajme
  • Lajme

    FIT-it i ofrohet shërbim dentar falas, Mehaj jep detaje

    FrontOnline
    31 Mars 2025

    Kirurgu oral, Fisnik Mekaj ka ofruar shërbime dentare falas për të gjithë anëtarëve të Njësisë Speciale Intervenuese (FIT).

    Këtë e bëri të ditur ish-ministri i Mbrojtjes, Armend Mehaj përmes një postimi në Facebook

    Ish-ministri shprehet falënderues për këtë gjest bujar.

    “Shpesh krenohem me njerëz të kombit tim, dhe një nga këto raste ishte dje, kur miku im kirurgu oral i nderuar, Fisnik Mekaj, përmes Advanced Dental Center në Prishtinë, konfirmoi se do t’u ofrojë shërbime dentare falas të gjithë anëtarëve të Njësisë Speciale Intervenuese (FIT). Ky gjest bujar është një shprehje e mirënjohjes për kontributin e tyre të jashtëzakonshëm në ruajtjen e rendit publik dhe zbatimin e ligjit në Kosovë. Vepra e doktor Fisnik Mekajt nuk është thjesht simbolike – ajo buron nga njohja e sakrificave që bëjnë çdo ditë pjesëtarët e FIT-it dhe Policisë së Kosovës në përgjithësi. Këta njerëz janë në shërbim të Atdheut 24/7, pa asnjë hezitim, dhe meritojnë jo vetëm respekt, por edhe përkushtimin tonë për t’ua lehtësuar jetën e përditshme. Për këtë arsye, i bëj thirrje Policisë së Kosovës dhe, në veçanti, Sindikatës së Policisë që këtë shërbim (donacion) ta rregullojnë në mënyrë ligjore, duke siguruar që ky akt mirësie të jetë i qëndrueshëm dhe i përputhshëm me parimet e duhura”, ka shkruar Mehaj.

    “Kjo nismë më kujton përpjekjet e mia kur isha në krye të Ministrisë së Mbrojtjes, ku mundësuam zbritje në shërbime thelbësore dhe kujdes mjekësor falas për anëtarët e forcave të sigurisë, si dhe zbritje në qindra biznese të tjera. Megjithatë, e di që veprat individuale, sado të çmuara, nuk mjaftojnë. Kosova ka nevojë të përparojë me reforma sistematike, veçanërisht në fushën e sigurimeve shëndetësore për të gjithë ata që i kushtojnë jetën mbrojtjes së vendit. Qeveria e re që do të formohet pas 9 shkurtit duhet ta ketë këtë si një nga prioritetet kryesore. Ata e kanë këtë të drejtë, ndërsa ne si shoqëri kemi detyrën t’i mbështesim”.

    Ndër të tjera Mehaj thotë se Kosova është shtet i ri dhe me shumë nevoja, por me vullnet dhe bashkëpunim, çdo sfidë mund të kapërcehet.

    “Vendi ynë është i ri dhe me shumë nevoja, por me vullnet dhe bashkëpunim, çdo sfidë mund të kapërcehet. Duke nderuar njerëzit tanë, nderojmë Atdheun, Dëshmorët dhe të gjithë ata që luftuan për një Kosovë të lirë. Zoti e bekoftë Kosovën dhe popullin tonë! Shembulli i kirurgut oral Fisnik Mekaj dhe klinikës së tij të mirënjohur është për çdo lakmi – ashtu duhet të respektohet Atdheu dhe njerëzit e tij. Faleminderit shum, doktor Fisnik Mekaj”.

    Nga Rubrika
    Lajme03 Prill 2025
    Nënkryetari i LDK-së, Lutfi Haziri, tha se partia është e gatshme të shqyrtojë pjesëmarrjen në takimet e paralajmëruara, por nuk e konsideron...
    Lajme03 Prill 2025
    Të premten parashikohet mot kryesisht i vranët, me reshje lokale shiu herë pas here, të cilat në disa momente pritet të jenë...
    Lajme03 Prill 2025
    Në rast se Albin Kurti, në mungesë të numrave dështon ta krijojë Qeverinë e re të Kosovës, një mundësi tjetër po konsiderohet...
    Të tjera
    Lajme03 Prill 2025
    Këshilltari për media i Presidentes së Kosovës, Vjosa Osmani, Bekim Kupina, i është kundërpërgjigjur ministrit në detyrë të Financave, Hekuran Murati, pas...
    Lajme03 Prill 2025
    Ministrja në detyrë e Ekonomisë, Artane Rizvanolli, ka deklaruar sonte në emisionin CONTEXT të ATV-së se disa prej konsumatorëve shpenzojnë deri në...
    Lajme03 Prill 2025
    Hekuran Murati, Ministër në largim i Financave, e ka akuzuar dhe arsyetuar për publicitet atë çka bëri Presidentja e Kosaovës, Vjosa Osmani,...
    Lajme03 Prill 2025
    Kongresmeni republikan Carlos A.Gimenez e ka falënderuar presidenten Vjosa Osmani pas kërkesës që ajo i bëri sot qeverisë së Kosovës për pezullimin...
    Vip03 Prill 2025
    E ftuar në emisionin Fiks Fare, Xheneta Fetahu ka bërë disa deklarata që kanë tërhequr vëmendjen e publikut, duke zbuluar të pathëna...
    Lajme03 Prill 2025
    Duda Balje – deputete dhe kryetare e Unionit Socialdemokrat (SDU) ka treguar përvojën e saj në takim me kreun e ekzekutivit, Albin...
    -->

    FrontOnline, © 2025 Të gjitha të drejtat e rezervuara.