Njohësi i rrethanave politike, Fadil Kajtazi, ka thënë se gjendja në terren nuk është e njëjtë me atë që është duke u prezantuar nëpër sondazhe ku Lëvizja Vetëvendosje merr shumicën e votave.

Në Edicionin e Analizës në Klan Kosova, ai ka theksuar se në Anamoravë struktura e Lidhjes Demokratike të Kosovës duket se është goxha e mobilizuar.

“Ditët e fundit jam më tepër në teren dhe gjendja nuk është ashtu siç po prezantohet nëpër sondazhe – është pak më ndryshe”.

“Ajo që është me rëndësi është se Partia Demokratike e Kosovës e ka një kurs politik që i konvenon Kosovës, është parti që synon integrimin e Kosovës në Bashkimin Evropian dhe në NATO. Kjo është e rëndësishme; PDK është parti që e njeh shtetin e Kosovës”.

“Dallimi është se në teren ka disproporcion bukur të madh me atë që sondazhet e paraqesin Lëvizjen Vetëvendosje si partinë e parë në garën zgjedhore”.

“Nga Anamorava ka një entuziazëm të madh për LDK-në. Struktura e saj është më e mobilizuar sesa partitë e tjera”.