Dimri është afër, moti po bëhet më i ftohtë dhe frutat që dalëngadalë po “futen” në shtëpitë tona janë mandarinat.

Tani është koha ideale për mandarinat, ato u rritën fillimisht në Azi, dhe më pas gjetën rrugën e tyre në të gjitha vendet e botës.

Mandarinat dhe shëndeti

Mandarinat përmbajnë vitamina A, B dhe nivele të larta të vitaminës C, e cila është e mrekullueshme për parandalimin e infeksioneve, largimin e radikaleve të lira dhe ruajtjen e lëkurës së shëndetshme.

Vitamina C e gjetur në mandarina vepron për të ndaluar ftohjet dhe për të ruajtur funksionimin e duhur të sistemit imunitar.

Mandarinat janë një mënyrë e shijshme dhe e shëndetshme për të përmirësuar dietën dhe imunitetin tuaj.

Ato ndihmojnë në largimin e toksinave

Mandarinat janë një mënyrë e shkëlqyer për të larguar toksinat nga trupi, dhe janë gjithashtu një burim i mirë i fibrave!

Gjithashtu ndihmon në uljen e kolesterolit dhe ruajtjen e ekuilibrit të sheqerit në gjak duke ngadalësuar përthithjen e ushqimit.

Ato forcojnë kockat

Mandarinat janë një opsion i shkëlqyeshëm sepse përmbajnë kalcium, fosfor dhe magnez, të cilët ndihmojnë në ndërtimin e forcës së kockave dhe luftojnë osteoporozën.

Presionin e gjakut

Konsumimi i rregullt i mandarinave mund të ndihmojë në kontrollin e presionit të gjakut. Fibra, kaliumi dhe antioksiduesit në fruta ruajnë qarkullimin e gjakut të papenguar dhe mbajnë presionin e ulët të gjakut./FrontOnline/