CEO i Tesla, Elon Musk u ka thënë investitorëve se pret që shitjet e automjeteve elektrike të markës të rriten ndjeshëm në vitin 2025.

Musk ishte jashtëzakonisht pozitiv në fjalimin e tij ndaj aksionerëve kryesorë si pjesë e thirrjes së fitimeve të tremujorit të tretë për vitin 2024 të Tesla-s, duke i atribuar objektivat e rritjes së shitjeve modeleve më të lira, përcjell Telegrafi.

“Ne jemi ende në rrugën e duhur për të ofruar modele më të përballueshme duke filluar nga gjysma e parë e vitit 2025”, tha Musk.

“Për të rrezikuar pak këtu, dua të jap një vlerësim të përafërt, mendoj se është 20-30% rritje”, shtoi ai.

Megjithatë, miliarderi paralajmëroi se “ngjarjet e forcës madhore” – si shpërthimi i një lufte të madhe ose rritja e normave të interesit – mund të ndikojnë në këtë rritje.

Bëhet e ditur se Musk u inkurajua nga shifrat e fundit të shitjeve të kompanisë, e cila shiti 462,890 automjete globalisht në tremujorin e tretë.