×
  • Hulumtime
  • Hulumtime

    EKSKLUZIVE/ “Aksham pazari” i Pal Lekajt, favor të ri për Devollët (Dokumente)

    FrontOnline
    13 Shtator 2019

    Enis Veliu

    Ministri në largim i Infrastrukturës, Pal Lekaj, derisa po i numëron ditët e fundit në këtë dikaster qeveritar është kujdesur t’ia siguroj edhe një favor financiar kompanisë “Eurolab”, e cila udhëhiqet nga familja Devolli, raporton Portali “Front Online”.

    “Front Online” posedon vendimin, të cilin me 29 gusht të këtij viti e ka nënshkruar Pal Lekaj, me të cilin obligohet matja e gazrave për mjetet rrugore të regjistruara, që klasifikohen jo me lartë se niveli EURO 5 për gazra dalëse nga data 1 shtator 2019.

    Gjatë 10 ditëve të fundit kushdo që ka regjistruar automjetin është dashur të paguaj këtë shërbim 5 dhe 6 euro,  ndonëse sipas burimeve të besueshme të “Front Online” një pjesë e madhe e Qendrave të Kontrollit Teknik të Automjeteve nuk e posedojnë këtë pajisje adekuate, të cilën në treg thuhet se e kanë sjellë disa bashkëpunëtorë të vëllezërve Devolli nga Peja.

    Por, vetëm 10 ditë pasi që vendimi ka hyrë në fuqi, Lekaj ka kërkuar nga “Eurolab”, respektivisht Qendra e Automjeteve e Kosovës (QAK) e cila është ne pronësi të vëllezërve Devolli që t’i njoftojnë Qendrat e Kontrollit Teknik në gjithë Kosovën që deri në një vendim tjetër qytetareve të mos u marrin nga 5 euro për kryerjen e kësaj matje të gazrave.

     U grumbulluan 50 mijë euro pa u kryer shërbimi

    Burime të besueshme të “Front Online” bëjnë të ditur se prej kohës kur ka filluar të zbatohet ky vendim e deri më tash Qendrat e Kontrollit Teknik të Automjeteve kanë arritur t’i grumbullojnë mbi 50 mijë euro pa kryer fare këtë shërbim. Një shërbim të tillë e ka bërë edhe Qendra e Automjeteve të Kosovës për Automjetet që e kanë kryer homologimin në këtë Qendër.

    Në pikën një të vendimit të siguruar nga “Front Online” thuhet se obligohet matja e gazrave për mjetet rrugore të regjistruara, që klasifikohen jo me lart se niveli EURO 5 për gazra dalëse, nga data 1 shtator 2019.

    Më tutje në pikën dy thuhet se matja e gazrave do të bëhet edhe për mjetet rrugore që janë subjekt i kontrollit të përshtatshmërisë me rastin importit të tyre në Republikën e Kosovës

    “Obligohet subjekti për monitorimin profesional të Qendrave të Kontrollit Teknik të Automjeteve (QKTA) të administroj dhe përcaktojë individualisht mjetet që e kanë obligim t’i nënshtrohen matjes së gazrave sipas këtij vendimi”, thuhet në pikën 3 të vendimit.

    Në pikën katër thuhet se obligohen QKTA-të  të bëjnë funksionalizimin e pajisjeve për matjen e gazrave sipas këtij vendimi dhe legjislacioni në fuqi.

    “Obligohen QKTA-të, që në afat kohor deri me 01.09.2020, të pajisen me pajisje të nevojshme për matje sipas parametrave PN (cm-3) (Particle Number)”thuhet në pikën pesë të vendimit, raporton “Front Online”

    Më tutje në pikën 10 të vendimit thuhet se tarifa për këtë shërbim për automjete është 5 euro, deri sa për kamionë 6 euro.

    Por të martën përmes një e-maili që e ka siguruar “Front Online” Ministria e Infrastrukturës ka kërkuar nga Qendra e Automjeteve e Kosovës që të mos e aplikoj pagesën prej 5, respektivisht 6 euro deri në nxjerrjen e një vendimi tjetër

    “Njoftohet ‘Euro-Lab’ QAK që të mos aplikoj tarifat sipas pikës 10 të vendimit nr.546/19 të datës 29.08.2019 të nxjerrë nga MIT për shërbimin e matjes së gazrave dalëse të automjeteve për kategoritë M1.N1,M2,M3,N2,N3  pasi që duhet të merret aprovimi të çmimorës në bashkëpunim me Ministrin e Mjedisit dhe Planifikimit Hapësinor dhe Ministrin e Financave”, thuhet në vendimin e siguruar, raporton Front Online.

    Monopoli milionësh i Pal Lekajt për Devollët

    Përndryshe,  Portali “Front Online” para tri jave kishte botuar dokumente ekskluzive, të cilat dëshmojnë se ministri Pal Lekaj, e ka nënshkruar një vendim të ri që i siguron Qendrës së Automjeteve të Kosovës(QAK), e cila është pronë e Shkëlqim Devollit,  një monopol të ri që besohet se “peshon” miliona euro.

    Sipas këtij vendimi të nënshkruar nga ministri Pal Lekaj më 17 janar 2019, të cilin vendim e posedon “Front Online”, Qendra e Automjeteve të Kosovës (QAK) ngarkohet nga Ministria e Infrastrukturës dhe Transportit që ta parandaloj rikthimin në qarkullim rrugor të mjeteve të ri-aftësuara (riparuara) pa u inspektuar, siç thuhet sipas praktikave evropiane përkitazi me nenin 27 të Ligjit 05/L-132 dhe nenit 16 të Udhëzimit Administrativ nr. 02/2018 për përcaktimin e kushteve dhe procedurave për homologim të mjeteve rrugore.

    Kjo nënkupton se asnjë automjet i përfshirë në aksident trafiku nuk mund të kthehet në komunikacion pa e marrë “vizën” e QAK-ut të Devollëve dhe pa e paguar tarifën e caktuar financiare te këta të fundit./Front Online/

    Ekskluzive/Pal Lekaj ia çon edhe një monopol milionësh Devollëve (Dokumente)

    Përfito FALAS një pushim për çift në Budva
    Nga Rubrika
    Hulumtime08 Prill 2024
    Mbi 26 milionë euro janë shpenzuar nga buxheti i Kosovës për udhëtime zyrtare brenda dhe jashtë Kosovës gjatë tri viteve të fundit,...
    Ekonomi03 Prill 2024
    Komuna e Prishtinës e cila drejtohet nga Përparim Rama si dhe ajo e Fushë Kosovës që drejtohet nga Burim Berisha janë në...
    Ekonomi03 Prill 2024
    Për 12 muaj të vitit 2023, Ministria e Ekonomisë, e cila udhëhiqet nga Artane Rizvanolli, ka shpenzuar vetëm 11% të buxhetit të...
    Të tjera
    Bota/Rajoni13 Prill 2024
    Dje pasdite, SPB Shkup ka raportuar se në kryqëzimin e rrugës “Dositej Obradoviq” me rrugën “Kiro Krstevski” dhe rrugën “Bote Bocevski” në...
    Sport13 Prill 2024
    Real Madrid ka vazhduar ecjen drejt titullit të La Ligës duke triumfuar nga Mallorca. Ani se ka fituar me rezultat minimal 0-1,...
    Lajme13 Prill 2024
    Kryeministri i Kosovës, Albin Kurti është takuar me Rudina Xhaferin, artisten që punon në miniaturë. Ai tha se veprimtaria e Rudinës përfshin...
    Lajme13 Prill 2024
    Presidenti i Republikës Srpska të Bosnjë e Hercegovinës, Milorad Dodik, përkundër se është i sanksionuar nga Shtetet e Bashkuara dhe Mbretëria e...
    Sport13 Prill 2024
    Torino dhe Juventusi kanë barazuar 0-0 në ndeshjen e javës së 32-të të Serie A. Ndeshjet mes Torinos dhe Juventusit shpesh dinë...
    Lajme13 Prill 2024
    Akademia Diplomatike në Ministrinë e Punëve të Jashtme dhe Diasporës ka hapur  edicionin e parë të Shkollës për Diplomaci të Diasporës. Mirëpritjes së...

    FrontOnline, © 2024 Të gjitha të drejtat e rezervuara.