Ekonomia amerikane u tkurr me 0.3% në tre muajt e parë të vitit, ndërsa firmat grumbulluan importe përpara tarifave të presidenti Donald Trump.

Të dhënat e reja përqendrohen në një periudhë përpara se të shpalleshin tarifat më të gjera të kreut të shtetit amerikan.

Ndërkohë, Trump do të presë drejtorë ekzekutivë nga kompani të mëdha, përfshirë Nvidia dhe GE Aerospace, raporton BBC, transmeton Klankosova.tv.

Më vonë, ai do të mbajë gjithashtu një takim të kabinetit me ekipin e tij udhëheqës.

Kjo tkurrje shënoi një rënie të ndjeshme pas rritjes me një ritëm vjetor prej 2.4% në tremujorin e mëparshëm, megjithëse rënia nuk ishte aq e rëndë sa kishin parashikuar disa analistë.

Rënia u nxit nga ulja e shpenzimeve qeveritare dhe një rritje prej më shumë se 40% e importeve – të cilat llogariten kundër rritjes – ndërsa kompanitë nxituan të përballonin tarifat.

Rritja e shpenzimeve të konsumatorëve gjithashtu u ngadalësua nga fundi i vitit të kaluar, me një rritje prej 1.8%, nga 4% në tremujorin e mëparshëm.