Barcelona ka barazuar sonte në Camp Nou kundër skuadrës së Eibar me rezultat 1-1. Barcelona dështoi ta konvertonte një penallti në gol në këtë ndeshje derisa Eibar ishin të parët që kaluan në epërsi. Të dy golat në këtë ndeshje u shënuan në pjesën e parë

Barcelona ka dështuar për të fituar në ndeshjen kundër Eibar, edhe pse kishte çdo mundësi për ta fituar atë.

Në pjesën e parë Barcelona ka mundur të kalojë në epërsi në minutën e 8-të por Braithwaite e huqi atë.

Barcelona shënoi edhe një gol në minutën e 25-të dhe përsëri ishte Braithwaite por VAR e anuloi atë për në pozitë jashtëloje.

Në pjesën e dytë Eibar do të kalonte në epërsi në minutën e 57-të ku do të shënonte Kike.

Barcelona e barazon rezultatin në minutën e 67-të kur në ndeshje u aktivizua Dembele që shënoi pas asistimit të Firpo.

Deri në fund të ndeshjes Barcelona do të sulmonte disa herë por nuk arriti që të bënte dallimin në këtë ndeshje dhe në fund dështon përsëri për të fituar, edhe pse kishte një formë të mirë në 5 ndeshjet e fundit ku nuk ka humbur.

Ky barazim e lënë Barcelonën në 25 pikë, ende shumë larg vendit të parë, Atletico Madrid që ka 32 pikë dhe dy ndeshje më pak të zhvilluara.